"LINGUADO" PAÍS (Maxia con prebe de lingua)
Un espectáculo máxico-lingüístico para lembrarlle ó google que aquí non sabemos onde están: Arteijo, Mugía, Rianjo nin Sangenjo.
Un espectáculo cheo de sorpresas, participación do público, e tamén cheo de: axóuxeres, lixivias, bolboretas, beizos, garabatas, gravatas, cóxegas, meigallos, folerpas...en resumo, un espectáculo máis abraiante que escoitar galego no centro da Coruña.
MELODÍAS con SORPRESA
Enchente ao vivo de efectos sonoros, maxia, humor e participación da concorrencia.
Unha melodía de ilusións nun concerto para sorprender.
IGUALDADE, ONDE ESTÁS?
Novo espectáculo da Maga Fani en defensa da igualdade a través da maxia.
A protagonista desta historia nace un 8 de Marzo de 1975. Considerando este feito a súa nai un claro sinal dunha misión, decide chamala Esperanza...“Esperanza Marzal”.
Espectáculo cheo de ilusións, moito humor e participación do público, para tentar expor non só as desigualdades cotiás e históricas, senón tamén a importancia de erradicalas traballando non ámbitos da educación e a cultura.
FÁBRICA de FEITIZOS
Benvidos e benvidas ó lugar de transformación dos procesos imaxinativos:
á “Fábrica de Feitizos”
Unha viaxe fabulosa a través dos sentidos, das situacións inesperadas, do humor e da participación do público, apoiada en todo tipo de trebellos para narrar as surrealistas aventuras e desventuras dunha ilusionista.
FEIXES de ILUSIÓNS
Espectáculo de maxia, humor, participación...e tamén, uns feixes de ilusións.
Unha morea de sorpresas, cachifallos e chilindradas nun espectáculo máis sorprendente que atopar unha máquina expendedora de chocos.
Trangalladas ben feitas, nun espectáculo dun ilusionista do montón...mais, do montón bó.
FALO porque me PETA (Maxia con prebe de lingua)
Atopámonos no ano 108 d.CE. (despois de Celso Emilio) ou ano 2020 nalgunhas civilizacións.
Unha viaxe escénica, máxica e lingüística percorre cada recanto do país, amosando a marabilla de posuír un “Monte Pindo” de fala propia, nun espectáculo de ilusionismo máis sorprendente que atopar un programa cultural na televisión.
MAXIA pola IGUALDADE
A nosa protagonista chega a casa despois dunha xornada longa de actividades.
Coma a todas as mulleres, o día non remata chegando ó fogar.
A "Igualdade" creará fantasías cá louza da cociña, vasoiras, roupas, nivelará o soldo para todas as persoas e rematará cunha exposición de forza física e mental: a mesma forza que durante décadas levan amosando as mulleres en prol dos seus dereitos fundamentais.
@s APRENDICES de BRUXA
Conta a historia, alomenos a apócrifa, que Merlín tiña dous aprendices de brux@.
Unha delas era muller e pelexaría co aprendiz principal polo legado dos poderes.
A maior liorta máxica por unha herdanza, que non inclúe terras, ferrados ou marcos movibles.
"ERIC PLANCTO" QUIXO SER GAITEIRO (Maxia con prebe de lingua)
Cando “Eric Plancto” resolve ser gaiteiro e falar coa fala de quen toca a gaita, sorpréndese das situacións a superar para acadala.
Porén, empeza unha viaxe de coñecemento, pescudando a verdadeira identidade da nosa terra.
Espectáculo de maxia, humor, defenda das nosas tradicións, música de gaita ao vivo en diferentes intres e participación do público.
En resumo, un espectáculo para estarmos fachendos@s do que somos.
Un PAR de DOUS
Sorpresas a dúo dende outra dimensión.
A arte da transformación da realidade contada dun xeito moi directo:
un par son dous, un par de dous son catro e, sucesivamente, até o infindo ou máis aló de Ribadeo chegaremos co combustible das gargalladas, nun espectáculo co dobre de sorrisos.
CALDEIRADA de LINGUA (Maxia con prebe de lingua)
Espectáculo de ilusionismo-lingüístico, humor e participación do público, fervido a lume lento. Unha caldeirada máxica, na que esmorecerán os escuros agoiros para a nosa lingua, coa invocación do: “Conxuro da Caldeirada”.
Amais, contaremos coa axuda dos nosos alcumes e unha manchea de ingredientes para saborear unha cultura propia cunha lingua de seu.
ASOMBROS de RÚA
Un camión escenario "aparecerá" na praza da vila, e tanto el coma 200 cadeiras completarán o espazo escénico ao aire libre.
Un teatro móbil, con toda a produción técnica, cheo de asombros, ilusións, humor, participación do público etc., darán forma e esculpirán estes asombros de rúa...baixo as estrelas.
LARETANDO nas LAREIRAS (Maxia con prebe de lingua)
Unha lingua alegre, divertida, contenta e arrufada, que non é apoucada por nada nin por ninguén, acompañan esta viaxe cara o imaxinario: a maxia da vogal “a”, a do “infinitivo conxugado...ou flexionado”, tecen o fío condutor dun momento no que ninguén será despedido do seu posto de traballo, polo feito de usar esa catedral do patrimonio que é posuír unha lingua propia.
O galego sorprende, fascina e emociona cos seus feitizos.
MAXIA para EMPRESAS
Conseguir que o seu produto sexa lembrado pola súa clientela é todo un
éxito de venta..
A maxia como forma publicitaria consegue enviar unha mensaxe ao longo
de moitos minutos ás mentes d@s espectador@s. Un recordo orixinal e máxico
do seu produto é un pretexto para estimular o interese comercial pola súa empresa.
MAXIA de PRETO
Maxia para grupos reducidos de xente, con elementos coma: naipes, moedas, billetes, gomas, dados etc.
A arte do imposible a moi pouca distancia. Diversos galardóns a nivel nacional, acreditan deste espectáculo: pequeno en tamaño pero grande en emoción.
VISITAS MÁXICAS GUIADAS
VISITAS MÁXICAS GUIADAS
MUSEOS: VISITAS MÁXICAS
As visitas máxicas guiadas transforman unha típica visita, nunha experiencia atractiva, concedéndolle un compoñente máxico e didáctico para sorprender.
Grazas ó/á guía-mag@, @s asistent@s percorrerán o camiño deseñado, atopándose con sorpresas nas salas, no vestíbulo, no mobiliario, na exposición etc.
FÓRA DE CARTAZ
TRANSFORMANDO O PRESENTE
Maxia, música, efectos sonoros e emocións visuais para alterar a actualidade.
Cordas, cadernos, asentos que cobran vida, sorpresas a dúo, humor, participación do público...e un baixo eléctrico, proxectan situacións fóra do común en Clave Fantástica.
CORCHEAS, SEMIFUSAS e ILUSIÓNS
UNHA OBRA MÁXICA e MUSICAL
Unha obra máxica, musical e teatral composta en "clave de fa": fabulosa, fascinante e fantástica.
Ilusións sonoras cás partituras, os micrófonos ou as cordas da guitarra. Espectáculo para escoitar, ver e asombrarse, con Álvaro Muras,
Julio Cuns, Bruno Couceiro, A Maga Fani e Martín Camiña.
A OUTRA REALIDADE
A OUTRA REALIDADE
A OUTRA REALIDADE
UN PERCORRIDO MÁXICO A TRAVÉS DA CIENCIA
Unha produción a través da ciencia, da historia e do humor, grazas ao Laboratorio Itinerante da Outra Realidade.
Mag@s que pensaron en imposibles, coma Leonardo Da Vinci, Marie Curie, Arquímedes, Einstein ou Newton, estarán presentes no espectáculo....xunto a Xoque Carbajal, Marta Quintana, A Maga Fani e Martín Camiña.
